\ talktz

Picha: Ujenzi wa Hotel ya kwanza Afrika Mashariki kujengwa kwenye maji ndani ya ziwa Victoria wasimama

Mwaka 2013 ujenzi wa hotel ya kwanza Afrika Mashariki itakayokuwa katikati ya maji kwenye ziwa Victoria ulianza nchini Uganda, huku ukigharamiwa na serikali ya nchi hiyo.




Mchoro wa jengo la hotel hiyo

Hotel hiyo inayotarajiwa kuwa na ghorofa nne, moja ikiwa ni ya mghahawa, ya pili ikiwa na vyumba vya kulala na mbili zinazosalia ni kwaajili ya matumizi mengine ilitarajiwa kukamilika baada ya miaka miwili toka ujenzi uanze.


Hatua za awali za ujenzi wa hotel hiyo, picha ya mwaka 2013

Taarifa za sasa zinasema kuwa ujenzi huo umesimama kutokana na ukosefu wa shilingi bilioni 2 za Uganda (zaidi ya 1,252,000,000 TSH) zinazohitajika kuweza kukamilisha ujenzi huo.

Source: Daily Monitor

Collabo 5 mashabiki wa muziki Bongo wanatamani kuzisikia

Miaka kadhaa nyuma kila mtu alikuwa na hamu ya kusikia collabo za mahasimu wawili kwenye Bongo Flava kwa wakati ule. Walikuwa ni washkaji wazuri kutoka Temeke ila baadaye wakaja kuwa maadui wazuri mno.

Mzee wa Busara remix ya Juma Nature aliyempa collabo adui yake Inspector Haroun, ilikuja kubadili vitu vingi mno kwenye Bongo Flava. Ilikuwa ni collabo ambayo watu wengi waliiomba na ikaja bila kutegemewa.

Kila mtu anatamani collabo za aina ile zitokee tena na tena.
Orodha hii inakuletea collabo tano kubwa ambazo mashabiki wengi wanazisubiri kwa hamu mno kwenye Bongo Flava.

Alikiba na Diamond

Zamani walikuwa ni washkaji hivi na usingeweza kushangaa ukisikia Alikiba ndio alimpa ruhusa Bob Junior amsaini Diamond kwenye studio ya Sharobaro records mwaka ule, ni kitu ambacho kilifungua njia nyingi mno kwa Naseeb Abdul pengine bila ‘huruma’ ya Alikiba tungechelewa mno kumjua Diamond.

Ilikuwa habari kubwa wakati fulani pale ilipovuja kuwa Diamond alifuta sauti ya Alikiba kwenye wimbo wake wa Lala Salama huku Alikiba pia akifuta sauti ya Diamond kwenye wimbo wake wa Single Boy.
King Kiba na Chibu Dangote wametengeneza ligi moja kubwa mno kwenye Bongo Flava kuanzia redioni, kwenye runinga mpaka kwenye social network. Ni wasanii wenye fanbase kubwa mno kwenye Bongo Flava ambao mara zote wamekuwa wakiwaunga mkono kwenye kila wanachofanya.

Unadhani ni kitu gani kikubwa zaidi kwenye Bongo Flava zaidi ya hiki!
Leo muziki ni biashara naona kabisa ‘wamanyema hawa wa Ujiji, Kigoma wakiingiza hela nyingi mno kama wakiamua kusahau yaliopita na kufanya collabo moja babkubwaaa ambayo mashabiki wote wanaisubiri kwa hamu na I am sure ita-break the internet zaidi ya picha za utupu za Kim Kardashian!

Joh Makini na Fid Q

Kwa miaka zaidi ya 10 wamekuwa wakicheza ligi ya peke yao kwenye Bongo Hip Hop. Wakati fulani ingeonekana John Simon ndio mkali wa Hip Hop na wakati mwingine ingeonekana Fareed Kubanda ndio mkali kwa upande huo. Kila mtu anaamini mmoja kati yao ndio anastahili crown hiyo, hawajawahi kushuka toka walipopanda mahali walipo.

Joh Makini akitokea Arusha huku Fid Q akitokea Mwanza hatujui kama watakuja kufanya collabo ila ni kitu kinachosubiriwa kwa hamu kubwa mno na mashabiki wao.

Juma Nature na Crazy GK

Hawapo hot kama ilivyokuwa miaka iliyopita, wote wamekuwa wasanii wa kawaida mno. Unakumbuka wakati ule wa East Coast Team vs TMK Wanaume? Walikamata Bongo Flava na kuifanya walivyotaka wao.
Leo GK yupo kwenye headline kwa maisha yake binafsi ya kimapenzi na mtangazaji wa Clouds FM, Diva na sio kimuziki kama ilivyokuwa miaka michache nyuma.

Gwamaka Kaihula anamhitaji mno Juma wasaidiane kutoka shimoni walipojichimbia na kuja kuiteka tena Bongo Flava kama ilivyokuwa kawaida yao. Na ipo wazi collabo moja tu watakayofanya itabadili kila kitu kwenye maisha yao na kuwarudisha kule juu walipokuwa.
Bila shaka collabo hii italeta kitu kipya haiwezi kuwa ni sawa na kumrudisha samaki aliyekufa baharini ili afufuke.

Lady Jaydee na Mwana FA


Alikufa kwa Ngoma, Hawajui, Msiache Kuongea, ni baadhi ya ngoma nyingi mno ambazo walifanya pamoja washkaji hawa wa zamani na kuiteka Bongo Flava kama wanalia vile.

Miaka imepita na ule ushkaji wao haupo tena kama zamani, Unaweza kuwaita maadui au mafahari wawili. Je wanaweza kuamua kuishi kwenye zizi moja na kufuta uadui wao huku wakitengeneza pesa? Tusubiri tuone ila niamini mimi hiki ni kitu kikubwa mno kinachosubiriwa na wote kwenye Bongo Flava.

Nay wa Mitego na Nikki Mbishi

Nikki Mbishi alisusa kwa hasira na kuamua kuacha kabisa muziki baada ya kuona anatumia akili nyingi mno kuandika nyimbo kali ambazo raia wema wameshindwa kumuelewa huku media pia zikishindwa kumpa nafasi eti kwa sababu anaandika mistari migumu mno kueleweka kwa mashabiki, kifupi nyimbo zake zilionekana hazipo kibiashara yaani hazifai kwa mainstream.

Kwa watu wengine, Nay wa Mitego kutoka Manzese anaonekana ni mwana hip hop wa kawaida mno kuwa na mafanikio aliyonayo. Lakini bila uoga, unaweza kumweka Nay wa Mitego kuwa msanii wa hip hop mwenye mafanikio zaidi kwa wakati huu kuanzia kimaisha mpaka kimuziki.

Umegundua kitu chochote kutoka hapo juu? Kama bado ngoja nikusaidie tena. Nikki ni mwana hip hop wa ukweli ukimlinganisha na Nay. Nay Ni mfanyabiashara mzuri ukimlinganisha na Nikki, vipi ushanielewa?

Kama Nikki alitaka kuacha muziki kwa sababu hapati maslahi yoyote basi huu ni wakati wake mzuri mno wa kufuta bifu lake na ‘Neema wa Mitego’ kama anavyomwita na kufanya ngoma moja ambayo itabadili mambo mengi mno kwenye muziki wake. Hiki kitakwenda kuwa kitu kikubwa mno kwa mashabiki wa pande zote za hip hop.

Picha, Willow Smith kwenye kitabu cha fashion cha la CR.

Akiwa na miaka 14 tu mtoto wa mwigizaji Will Smith ‘Willow Smith’ ameanza kung’ara kama mwanamitindo anayechipukia kwa kasi. Willow amepozi kwaajili ya kitabu cha fashion cha la CR akiwakilisha kampuni mbili anazofanya nazo kazi ambazo ni Tom Ford Kenzo na Pucci.


Makundi matano ya Bongo Flava yaliyoacha historia

Zamani Bongo Flava ilitawaliwa na makundi mengi mno pengine kutokana na wasanii hao kutokuwa na uwezo wa kifedha wa kwenda studio mmoja mmoja basi njia nzuri ilikuwa ni kujikusanya kwenye makundi huku wakichanga hela mpaka zilipofika senti za kwenda kuwaona akina Master Jay,Mika Mwamba ama P- Funk Majani.
P-Funk Majani anafahamika kama Godfather wa Bongo Flava
Makala hii inakuletea makundi matano bora yaliyowahi kufanya vizuri kwenye muziki wa Bongo Flava.

Daz Nundaz Family

Hit kama Maji ya Shingo,Kamanda na Barua zililifanya Daz Nundaz liwe kundi bora zaidi kwenye Bongo Flava kwa wakati ule. Ungesema nini kuhusu sauti ya kulalamika ya Ferooz? Bila kumsahau Fundi Daz, Mwalimu,Lusajo,La Rhumba na Critic.


Kamanda ni ngoma iliyowafanya watu wawatolee macho kwa makini ila Barua ilimaliza kila kitu.

Kwa sababu ambazo hazijawahi kuwa wazi pengine maslahi,ushauri mbaya au kujiona bora kuliko wenzie kwenye kundi, waliishia kutoa album moja tu, Maji ya Shingo, kabla ya Ferooz kujitoa na kwenda kufanya ngoma kali kama Jirushe,Umeniponza na wimbo wa taifa, Starehe aliomshirikisha Profesa Jay.

Baadaye Daz Mwalimu aligeuka Daz Baba na kukutana na Fid Q na kufanya wimbo, Namba 8 kabla ya kukutana na marehemu Ngwea kutengeneza wimbo mwingine wa taifa, Wife.

Wenzao waliobaki kwenye kundi hawakuwa na nguvu kama waliojitoa na mwisho wa siku kundi likafa huku kila mtu akilitamani.

Wakajaribu kurudi tena baada ya miaka kadhaa na nyimbo kama Jahazi la Daz na Nipe 5 lakini hawakudumu kabla ya kila mmoja kwenda na njia yake. Wengine hawajulikani walipo ila Ferooz na Daz Baba bado wanajikongoja.

Solid Ground Family


Unaukumbuka wimbo wa Bush Party? Ile party ambayo Muhogo Mchungu alicheza na mbuzi? Yeah ile party ambayo jamaa aliingia na ngedere na kuzua kitimtim kikubwa humo mpaka walipomtoa na ngedere wake ndipo utulivu uliporejea mahala pake! Naam.

Achana na Mechi Kali, kati ya timu ya Kifo na timu ya Uhai, mechi ambayo timu ya kifo ikiongozwa na striker wao mkali UKIMWI alipomtungua kwa ufundi mkubwa kipa Panadol wa timu ya UHAI.
Hawa jamaa pia walitupa story kali kama ATHUMANI AKISHALEWA anavyoshindwa kujielewa. Ulikuwa wimbo mkali wenye ujumbe kuhusu matumizi ya pombe kupitiliza yalivyo na madhara.

Hawakuishia hapo, walileta pia wimbo mzuri mno wa BABA JENI alivyopata mafao tabia yake ilivyobadilika kuwa kituko mtaani.
Kichaa cha Jerry ilikuwa ngoma nyingine kali kutoka kwao ambao ulielezea kwa kirefu ubaya wa matumizi ya bangi ambayo ilimpelekea mshkaji wao JERRY kupata ukichaa kama utani.

Ghafla Jerry alivaa shuka na kujiita shetani na sometimes alivaa majani na kujiita yeye nyani.

Solid Ground Family walikuja na style fulani ambayo ilikuwa na visa vingi ndani yake vilivyokuwa vinaiasa jamii kujiepusha na starehe zisizo na lazima.

Hatujui nini kilitokea, tunachojua jamaa walipotea kama utani huku nyimbo zao zikiendelea kuwa na mafunzo mengi na makubwa mpaka kesho. Hakuna yoyote kati yao alieweza kuhit nje ya kundi.

2 Berry


Berry Black na Berry White – washkaji kutoka Unguja. Walikuwa pamoja toka utotoni na walikuwa kama ndugu ila wimbo mmoja tu wa NATAKA KUWA NA WEWE ulivuruga kila kitu kizuri walichokitengeneza miaka yote.

Berry Black aliona Berry White anajifanya staa kisa aliimba sehemu kubwa kwenye wimbo ule kitu ambacho Berry Black hakupendezwa nacho na kumuonyesha Berry White kuwa yeye ni mkali zaidi yake alimtafuta Suma Lee na kufanya naye wimbo wa NISAMEHE ambao ulifanya kundi lao kuvunjika huku likiwa bado la moto pamoja na juhudi za ndugu zao kuwapatanisha na kuwakumbusha walipotoka, haikuwa kitu rahisi kumrudisha Berry Black kwenye utawala wa Berry White.

Berry Black bado anafanya poa huku wimbo wa mwisho wa ISHARA ZANGU aliofanya na Ali Kiba ukizidi kumsimamisha kisanii ila mwenzake Berry White yupo nje kabisa ya game na ameshindwa kabisa kusimama mwenyewe toka kundi lao livunjike.

Parklane




Washkaji kutoka Tanga kule kule wanapotoka wakali wa mapenzi.
Ilunga Khalifa au Computer Programmer, muite mwite CP kwa kifupi mzee wa Crunk na mwanae Suma Lee waliunda kundi moja kali kwenye Bongo Flava, Parklane.

Nyimbo zao nyingi walizifanyia kwenye studio za Mombasa.

Ngoma kama Aisha Aisha,Nafasi Nyingine zilikuwa ngoma kali mno kutoka kwao ila kama utani Suma Lee alipotoka na wimbo wa Chugwa akiwa peke yake huku ikifuatiwa na wimbo wake mwingine, RAFIKI ambao ulisemekana kuwa ni dongo kwa CP.

Ushkaji wao ukaishia hapo, CP akarudi pia akiwa peke yake na ngoma zake za PWAA kwa style yake ya CRUNK.

Suma Lee bado yupo kwenye game huku wimbo wake wa taifa HAKUNAGA ulimrudisha baada ya kupotea kwa kipindi kirefu. Baada ya hapo aliachia ngoma zingine kama tatu ambazo hazikufanya vyema. Kwa sasa yupo tu akifanya biashara zake na kwa wale wanaomfuata Instaram watagundua kuwa miaka ya hivi karibuni amekuwa mshika dini ya Kiislamu mzuri.

Cpwaa ameendelea na harakati nyingi za muziki ikiwa ni pamoja na kuachia ngoma mpya katika kipindi cha mwaka mmoja uliopita zikiwemo Chereko Chereko na Kata Kiu. Pia alianzisha label yake iitwayo Brainstorm Music na kuwasainisha Wadananda.

Gangwe Mobb

Wazee wa Rap katuni kutoka Temeke Mikoroshoni. Ungesema nini kuhusu Inspector Haroun wa wakati ule! Wimbo kama Mtoto wa Geti Kali ingekupa simulizi nzuri ya mtoto wa uswahilini uswazi anayemzimikia mtoto wa geti huku akishindwa kumchana ukweli na kubaki na kigugumizi pale mtoto anapomwambia sema basi unataka nini.


Walikuwa wapo vizuri mno na kwa hakika walikuwa kundi bora la Bongo Flava kwenye zama zao. Ungebisha nini kama ulikuwepo wakati ule na ungeusikia wimbo wa NJE NDANI ambao majamaa waliwachana washkaji waliozamia mtoni huku wakigoma kurudi Bongo zaidi ya kuwatumia picha tu na email zisizo na msingi mwisho wa siku visa inachwana huku passport ikipigwa X.

Leo wapo kama wapo. Aliyekuwa anaonekana baba wa kundi Inspector Haroun aliamua kujitegemea na kuachia ngoma kali kama Asali wa Moyo na Bye Bye. Hata hivyo Luteni Kalama hakuwa kuhit akiwa solo artist kama mwenzake. Usijaribu pia kuusahau ushirikiano wa Inspector na Sir Nature uliozaa remix kali ya Mzee wa Busara.

Imeandikwa na Heri Athumani (heriessien@gmail.com). Editing and additional content by Fredrick Bundala

via bongo5

Young Dee atoa ujumbe muhimu kwa blogs za burudani Tanzania

Rapper Young Dee ameitumia Bongo5 maelezo yenye ujumbe muhimu anaotaka uwafikie waendeshaji wa blog za burudani nchini.

Ujumbe huo unasema:

Naomba ieleweke kwamba, wasanii wa Tanzania tunatumia nguvu nyingi sana, ili kuweza kumudu sana hii.

Tunapambana sana, ili tujiweke katika mazingira ya kuonekana kama wasanii wa kisasa. Jitihada zetu zote zinategemea support ya Mashabiki wetu wanaotupenda.

Wao wakipenda kazi zetu na kuzisupport, na sisi ndo tutanufaika na kazi ngumu tuifanyayo.
Tumekuwa tukiziweka nyimbo zetu kwenye websites kama Mkito ili walau kila shabiki aweze kuchangia kiasi kidogo katika kazi kubwa tunayoifanya ya kuumiza vichwa na kutunga tungo zenye maudhui ya kuburudisha na kuelimisha jamii.

Lakini wapo watu wachache ambao wamekua wakizi-download nyimbo zetu na kuzi Upload kwenye site zao kama (Blogs, Hulkshare, soundcloud). Kwa kufanya hivyo ni kinyume na taratibu za wasanii wengi, hasa mimi mwenyewe.

Kwasababu vitendo hivyo vinarudisha sana nyuma maendeleo yetu, kwa kiasi kikubwa yanapatikana kutokana na kazi zetu za sanaa.

Hivyo basi, kwa upendo nilionao kwa mashabiki wangu na watu wote kwenye tasnia hii ya muziki, nawaomba nyimbo zangu zisiwekwe kwenye websites nyingine yoyote ile bila ridhaa yangu. Kwani kwa kuweka nyimbo zangu kwenye websites na blogs ambazo sijaziridhia, ni kuninyima haki yangu ya kimsingi ya kupata matunda ya kazi yangu.

Nina upendo mwingi na wa dhati sana na mashabiki wangu, kwasababu mmelilea na kunitunza kisanii tangu siku ya kwanza nilipoachia wimbo wangu wa TAFSIRI, hivyo ningependa upendo huo udumu milele na milele. Maana naamini wengi wenu mngependa kuniona nikiendelea kisanii.
I hope hii haitaleta mitazamo tofauti na nia yangu ya kuwaandikieni
ujumbe huu.
Nawapenda Sana…

Temba apandishwa mahakamani kwa kutishia kuua

Msanii kutoka TMK Wanaume Family, Amani James aka Mh Temba jana amefikishwa katika mahakama ya mwanzo ya Temeke jijini Dar es salaam akikabiliwa na mashitaka ya kutishia kuua kwa kisu kutokana na wivu wa mapenzi.






Kwa mujibu wa Nipashe, Temba alipandishwa kizimbani na kusomewa mashitaka yake mbele ya hakimu Claudia Frank wa mahakama hiyo.


Mheshimiwa Temba alifikishwa mahakani hapo mapema saa 3:00 asubuhi huku akiwa amefungwa pingu chin ya ulinzi wa askari kanzu wa kituo cha Mkoa wa Kipolisi Chang’ombe.

Aliwekwa chini ya ulinzi katika kituo cha mahabusu ya mahakama hiyo kabla ya kusomewa mashitaka yake. Kesi hiyo imesajiliwa mahakamani hapo kwa namba 371 chini ya kifungu cha 89 kidogo cha (2) (a) sura ya 16 ya mwenendo wa sheria ya Makosa ya Jinai.

Akisomewa mashitaka na karani wa mahakama hiyo, Joyce Ngamesha, alidaiwa kuwa Januari 28, mwaka huu, saa 1:00 jioni katika baa ya Scorpion Iiliyopo Temeke jijini Dae es salaam, mshitakiwa alimtishia kumchoma kisu Godrey Deogratius ama Sulla.

Mshitakiwa alikana mashitaka hayo na yupo nje kwa dhamana.

Hakimu Frank alisema kesi hiyo itasikiliza ushahidi March 11, mwaka huu,. Kabla ya kufikishwa mahakamani hapo, Mshitakiwa alifikishwa katika kituo cha polisi cha Chang’ombe akituhumiwa kutishia kumchoma kisu mlalamikaji kwa madai ya kuwa na mahusiano wa kimapenzi na mke wa msanii huyo.

Ilidaiwa kuwa mshitakiwa alimtishia kumchoma kisu mlalamikaji huku akijua ni kinyume na sheria.

Source:Nipashe

Meneja wa zamani wa Diamond aeleza kwanini msanii huyo anazidi kufanikiwa

Meneja wa zamani wa Diamond Platnumz, Msafiri Misifa maarufu kama Papa Misifa, amesema wasanii wengi wanashindwa kuendelea kutokana na kushindwa kuhifadhi wanachokipata.


Papa Misifa ( wa pili kutoka kulia) akiteta jambo na Cassim Mganga

Papa Misifa aliyewahi pia kuwa meneja wa Dully Sykes na Cassim Mganga, ameiambia Bongo5 kuwa Diamond ni msanii pekee aliyeweza kufuata mafunzo yake na ndio maana anaendelea kufanikiwa mpaka sasa.

“Tatizo kubwa wasanii sana wanapopata riziki wanashindwa kujipangilia. Na mafunzo mengi niliyompa Diamond ndo maana mpaka leo anajua kujipangilia mpaka pale alipofika. Wasanii wanashindwa kupangilia pesa zao. Tatizo wanapopata pesa wanabadilika. Ukitaka kujua tabia ya mwanadamu ngoja apate pesa ndo utajua tabia yake,” amesisitiza.

“Wasanii wengi hawalengi kufanya vitu vya maendeleo, wanalenga kufanya starehe kwenye baa. Ndio maana watu wanasema wanamuziki wa zamani wamefulia ni kweli kwa sababu hawakujipanga. Hawakutambua kesho yao, wewe unafikiri kwanini Diamond anaiogopa kesho yake? Ni kutokana na maisha yalivyo ukipata nafasi itumie ipasavyo.”

-via bongo5

Vifurushi vipya vya mitandao: TCRA yatoa tamko na maagizo kwa makampuni ya simu

Mamlaka ya mawasiliano nchini, TCRA imetoa tamko kuhusiana na malalamiko kutoka kwa watumiaji wa huduma za simu nchini kufuatia kubadilika kwa vifurushi vya mawasiliano.



Malalamiko hayo yalikuja baada ya baadhi ya mitandao ya simu kupunguza ukubwa wa data anazopata mtumiaji wa simu anapojiunga na vifurushi vya muda wa maongezi, sms na data kwa pamoja.

Baadhi ya mitandao imekuwa ikitoa Mega Bytes 8 peke yake ambazo kwa matumizi ya kawaida ni ndogo mno.

“TCRA imechambua mpangilio wa vifurushi – tozo za zamani na mpya na kugundua kwamba ingawaje baadhi ya watoa huduma wamebadilisha bei, kwa ujumla bei za muda wa kuzungumza na idadi ya meseji hazikubadilika sana. Hata hivyo, kuna upungufu mkubwa kwa idadi ya uniti za data (MBs),” amesema Mkurugenzi Mkuu Mamlaka ya Mawasiliano Tanzania (TCRA), Profesa John Nkoma kwenye taarifa yake kwa vyombo vya habari iliyotolewa leo Jumanne.

Kupitia kifungu cha 5 cha Kanuni za tozo (EPOCA Tariff Regulations) za mwaka 2011, TCRA imeyataka makampuni ya simu kuwasilisha Mamlaka ya Mawasiliano Tanzania gharama mpya wanazokusudia kutoza wateja wao kabla hazijaanza kutumika. Pia imeyataka kupitia upya bei na tozo mpya kwa kuzingatia mapendekezo hayo na kuwasilisha kwa Mamlaka kama inavyotakiwa kwa mujibu wa Kanuni za EPOCA za 2011 kuhusu tozo.

“TCRA inawaagiza watoa huduma kuhakikisha kwamba mabadiliko yoyote yanatekelezwa kidogo kidogo na sio ya ghafla ili kuepuka sintofahamu katika soko,” imesema.

“TCRA inawaagiza watoa huduma kuwapa wateja wao nafasi ya kuchagua mpangilio wa vifurushi tofauti kwa huduma wanazohitaji: Kifurushi cha mazungumzo, Meseji na Intaneti cha siku, siku saba au mwezi ambacho kinampa mtumiaji uhuru wa kuchagua kiasi ambacho wako tayari kulipia kwa mazungumzo, meseji na intaneti.”

“TCRA inawashauri watumiaji wa huduma za mawasiliano kuchagua vifurushi na mpangilio wa tozo ambao unafaa kwa matumizi yao. Watumiaji wanatakiwa kudai taarifa kamili kuhusu huduma wanazozilipia na waelewe taarifa za watoa huduma kuhusu bei na tozo, ikiwa ni pamoja na vigezo na masharti ya huduma. Mtumiaji asiporidhishwa na huduma anayopata anatakiwa alalamike – kwanza kwa mtoa huduma wake, na asiporidhika na ufumbuzi awasilishe malalamiko yake TCRA,” imesisitiza.

“Watumiaji wanashauriwa kuchukua fursa ya soko huria la mawasiliano nchini kama nafasi ya kulinganisha huduma na bei za watoa huduma na vifurushi wanavyouza kabla ya kuamua kujiunga na kifurushi chochote au huduma yoyote. Watumiaji wa simu janja zinazowezesha matumizi ya huduma nyingi, maarufu kama “smart phone”, kuwa makini wakati wa kuzitumia. Wahakikishe kwamba wanazima maeneo ambayo yanaweza kutumia data hata kama wakati huo hawatumii vifurushi vya data walivyonunua kwenye vifurushi.”

Katika hatua nyingine taarifa hiyo imetoa takwimu ya kuongezeka kwa matumizi ya simu na internet nchini katika kipindi cha miaka 10.
Imesema hadi sasa kuna laini za simu za mkononi zipatazo 31,862,656 ukilinganisha na laini 2,963,737 mwaka 2005.

“Idadi ya simu za mezani ni 151, ukilinganisha na 154, 420 mwaka 2005. Watumiaji wa intaneti wameongezake hadi kufikia 11,000,000 Desemba 2014 kutoka 3,563,732 mwaka 2008. Kwa sasa, kuna hamu kubwa ya matumizi ya intaneti na mwelekeo huu utaendelea; hasa kutakapokuwa na ongezeko la mitandao inayowezesha kutoa huduma za intaneti; na kuongezeka kwa mitandao ya jamii,” imesema.

“Wateja walionunua laini au ambao wanatumia huduma za simu kwa kuzungumza imeongezeka kwa asilimia 91 kutoka milioni tatu (3,000,000) mwaka 2005 hadi milioni 32 ( 32,000,000) mwaka 2014. Hii imewezesha huduma za simu kufikia asilimia 97 ya Watanzania ilipofika Desemba 2014; kutoka asimilia 10 mwaka 2005. Kwa upande mwingine, muda wa kuzungumza kwa simu, ukiwa umepimwa kwa dakika zinazotumika, umeongezeka sambamba na ongezeko la idadi ya watumiaji. Umefikia dakika bilioni 41 kutioka dakika milioni 506 mwaka 2005,” imeongeza mamlaka hiyo.

“Matumizi kwa upande wa meseji, yaani SMS na data pia yameongezeka kwa kiasi kikubwa kutoka SMS zipatazo milioni 5 mwaka 2005 hadi SMS bilioni 10 mwaka 2014. Watumiaji wa intaneti wanaotumia simu za mkononi sasa wanafikia milioni 10.”

Picha ya Wema Sepetu Aliyojibinua Tako Yaleta Vijimaneno

Leo nimepitia ukurasa wa Malkia wa Insta nikakutana na Picha hiyo ya Wema Akiwa ameegemea gari aliyopewa kama zawadi na Martin Kadinda siku ya Birthday yake huku akiwa amekibinua cha chini ya mgogo ..Baadhi ya watu wamemsifia na wengine kujaribu kumshauri ..




Soma Comments hapo chini kutoka ukurasa huo :
dicksonmgesy


Jaman tumpe chachu ya maendeleo sio kumsifia zari hana tako ila ana mali na hela mpaka anatamani kujiteka. Huku sifa kuwa na tako lisilo na kitu. Hayaaaaa
__dat__gal__

Sure @dicksonmgesy alf hcho kigali xx cha uyo wemaa maskin kawaidaaaa xnaaaa yani wema
hana radhaaa hanaaa


dicksonmgesy
 tangu awe mis mpaka leo ana nini? Angalia wenzake kama jokate hana jna kubwa ila ana mafanikio yeye anaishi maisha ya kuigiza yuko wap? Afike mahali ajitambue aache kufanya maonyesho sifa sio maendeleo tangu tuanze kumsifia tumeshawahi kumpa hata mia?
Samgal
aache maisha ya maigizo, tunataka kuona maendeleo sio skendoz
theysay0

@dicksonmgesy kila mtu na baraka zake na kwa wakati wake. How many people they hv bn trying and trying and reach their goals. Her time will come.
hashypapito
Nilisikia wakisema wema shapeless kumbe walimaanisha shapeclass daaaah nampendaga bureeee
Wildsweetcandies

Haters don't really hate you @wemasepetu , they hate themselves; because you're a reflection of what they wish to be.
malkia_wa_insta
2 days ago

Si mpaka uwe nalo la kubinuaa likabinuaaa aloooooooooooo ������������wema namba ingne bhnaaa
Haya na wewe unampa Ushauri Gani kutoka na hiyo Picha?

Lady Jaydee: Sina mtoto wala watoto, Sijajua mpaka sasa nitazaa lini…Accept me the way I am

Lady Jaydee ameendelea kujibu maswali ya mashabiki wake kupitia Instagram, na maswali mengine aliyokutana nayo ni kuhusu kama ana mtoto au ameasili mtoto ambaye huonekana kwenye kipindi chake cha ‘Diary Ya LadyJaydee’ kinachorushwa kupitia EATV.





Jide and Mokonyo




Jide akiwa na Mokonyo (mtoto wa mdogo wake Dabo)
“SWALI: Una watoto wangapi?
JIBU : Sina mtoto wala watoto

SWALI:Utazaa lini?
JIBU : Sijajua mpk sasa nitazaa lini, ila siku yoyote ile ikitokea naweza kuzaa

SWALI: Kwanini huna mtoto /watoto?
JIBU : Sina mtoto /watoto sababu sijawapata, nikipata nitakuwa nao.

SWALI: Tunaskia ume adopt mtoto ?
Na mtoto tunaekuona nae ni wa nani?
JIBU : Sija adopt mtoto, mtoto mnae muona ana shine like a star, ananiita Shangazi, ninaishi nae sbb ya ukaribu wa shule anayosoma ,Tunaishi wawili tu, mimi na yeye
Anaitwa “Mokonyo Yvonne Mbibo” Ni binti wa mdogo wangu @dabomtanzania

SWALI: Tunaskia una mtoto mkubwa ulimzaa ukamuacha kijijini Shinyanga /Musoma
JIBU : Sina mtoto niliemuacha kijijini, sijawahi kuishi kijijini.
Sijawahi kuishi Musoma, kwetu ni Bunda na huwa naenda ikitokea misiba kuzika, sijawahi kuishi huko zaidi hata ya miezi 2 Shinyanga niliozaliwa ni mjini
Nilihama Shinyanga, kuja Dar es salaam nikiwa na miaka 11
Sijawahi kurudi kuishi huko tena zaidi ya kwenda kusalimia.

SWALI: Tunaskia huzai, ulitoa kizazi ili ufanikiwe kifedha?
JIBU : Sijatoa kizazi na sifanyi kitu chochote unusual ili kupata mafanikio
Angalizo : Mwenyezi Mungu hadhihakiwi, so stop calling me names. …….Kesho anaijua yeye, lolote pia linaweza kutokea. Accept me the way I am”
 
Support : talktz | Shau Template | Mas
Copyright © 2011. talktz - All Rights Reserved
Template Modify by Shau
Proudly powered by Blogger